තමාට එරෙහිව සමාජ මාධ්‍ය ඔස්සේ වීඩියෝ පළකරමින් සිදුකරන අපහාස වළක්වන ලෙස ඉල්ලා යුද හමුදාපති ලුතිනන් ජනරාල් විකුම් ලියනගේ විසින් පෞද්ගලික නඩුවක් කොළඹ ප්‍රධාන මහෙස්ත්‍රාත් අධිකරණය හමුවේ ඊයේ (7 වැනිදා) පවරනු ලැබීය.
2024 අංක 29 දරන මාර්ගගත ක්‍රමවල සුරක්ෂිතභාවය පිළිබඳ පනතේ 24 වැනි වගන්තිය ප්‍රකාරව යුද හමුදාපතිවරයා මෙම පුද්ගලික නඩුව නීතිඥ එම්. කේ. එම්. හර්ෂාන් මාර්ගයෙන් අධිකරණය වෙත ඉදිරිපත් කර තිබිණි.
යුද හමුදාපති ලුතිනන් ජනරාල් විකුම් ලියනගේ පැමිණිලිකරු ලෙසින් නම් කර ඉදිරිපත් කර තිබෙන මෙම පුද්ගලික නඩුවේ වගඋත්තරකරුවන් ලෙස විතාරණගේ තුෂාර සාලිය රණවක නොහොත් මිචෙල් රණවක ඇතුළු පිරිසක් සහ අන්තර්ජාල යූ ටියුබ් සහ ගූගල් හිමි ඇමරිකාවේ ආයතන නම් කර තිබිණි.
අදාළ පුද්ගලික නඩුව කොළඹ ප්‍රධාන මහෙස්ත්‍රාත් තිලිණ ගමගේ හමුවේ සලකා බැලීමට නියමිතය.
ඉෂාර රත්නකාර
Janamina Sri Lanka Rupee Exchange Rate