දශක හතක් වැනි දීර්ඝ කාලයක් බ්‍රිතාන්‍යයේ කිරුල දැරූ එලිසබෙත් රැජින වයස අවුරුදු 96 දී මිය ගිය බව බකිංහැම් මාලිගය නිවේදනය කරයි. ඇයගේ සෞඛ්‍ය තත්ත්වය පිළිබඳව වෛද්‍යවරුන් අනතුරු ඇගවීමෙන් පසු ස්කොට්ලන්තයේ පිහිටි ‘බල්මෝරල් කාසල්’ හි ඇය රදවා ප‍්‍රතිකාර කරනු ලැබීය.
ලොව වයස්ගතම සහ දීර්ඝතම රාජ්‍ය නායිකාව ද වූ දෙවන එලිසබෙත් රැජින සිංහාසනයට පැමිණියේ 1952 පෙබරවාරි 6 වන දින ඇගේ පියාගේ අභාවයෙන් පසුව වන අතර, වයස අවුරුදු 26 දී එක්සත් රාජධානියේ කිරුළ හිස දරාගත් දෙවන එළිසබෙත් මහ රැජින බ්‍රිතාන්‍ය කිරුළ හොබවන ලද කාලය වසර 70 කි.
විදෙස් මාධ්‍ය වාර්තා කළේ බ්‍රිතාන්‍යයේ ඔටුන්න හිමි චාල්ස් කුමරු සහ ඔහුගේ ආර්යාව වන කැමිලා පාකර් ඇතුළු රාජකීය පවුලේ සමිපතයින් ඊයේ (08) දහවල් බ්‍රිතාන්‍යයේ සිට ස්කොට්ලන්තයේ පිහිටි බැල්මෝරාල් මාලිගය වෙත ගුවන් මගින් පැමිණි බවයි.
ඇයගේ අභිවයෙන් පසු වැඩිමහල් පුත්‍රයා වන 73 හැවිරිදි චාල්ස් කුමරු එක්සත් රාජධානියේ රජු බවට පත් වන අතර ඕස්ට්‍රේලියාව, කැනඩාව සහ නවසීලන්තය ඇතුළු තවත් රාජ්‍ය 14 කද රජු බවට පත් වේ.
අභාවප්‍රාප්ත වූ එළිසබෙත් රැජිනගේ දේහය අද (09) ලන්ඩනයට රැගෙන එන බවට විදෙස් මාධ්‍ය වාර්තා කරයි.
Janamina Sri Lanka Rupee Exchange Rate