බිත්තරයක් රුපියල් 53 බැගින් කොළඹ සියලුම ආර්ථික මධ්යස්ථානයට ලබාදීමට සමස්ත ලංකා බිත්තර නිෂ්පාදකයන්ගේ සංගමය තීරණය කර ඇත.
සංගමයේ සභාපති සරත් රත්නායක මහතා සඳහන් කරන්නේ ඒ අනුව අද දිනයේ බිත්තර ලක්ෂ 8 ක ප්රමාණයක් කොළඹට සපයන බවයි.
කොළඹ රිජ්වේ ආර්යා ළමා රෝහලට අවශ්ය බිත්තර අද දිනයේ නොමිලේ ලබා දීමට කටයුතු කරන බවද හෙතෙම සඳහන් කළේය.
මේ අතර ඉන්දියාවෙන් බිත්තර ආනයනය කිරීමට රජය ගත් තීරණයත් සමග ආනයනික පළමු බිත්තර තොගය එළඹෙන සතියේ මෙරටට ලැබීමට නියමිතය.
ඊට අමතරව බිත්තර ආනයනකරුවන්ගේ ටෙන්ඩර් කැඳවීමට රජය තීරණය කර තිබේ.
මෙරට බිත්තර මිල පාලනය කිරීම සඳහා ඉන්දියාවෙන් බිත්තර ආනයනය කිරීමට රජය තීරණය කරන ලදී.