ඊයේ (15) නේපාලයේ දී අනතුරට ලක් වූ “යෙටී” ගුවන් සේවයට අයත් යානයේ අවසන් තත්ත්පර කිහිපයේ සටහන් රූගත කෙරුණු ජංගම දුරකථනයක් සුන්බුන් අතර තිබී හමුව ඇති බව NDTV ඉන්දීය වෙබ් අඩවිය වාර්තා කර තිබුණා.
එක් මඟියකු මෙම අවසන් තත්ත්පර කිහිපය සජීවීව ෆේස්බුක් සමාජ ජාලයට මුදා හැර තිබුණා. ඔහු එය රූගත කිරීම ආරම්භ කරන අවස්ථාවේ යානය පොක්රා ගුවන් තොටුපළට බැස්සවීමට සූදානම් වන ආකාරය දකින්න ලැබෙනවා.
නමුත් නිමේෂයකින් ගුවන් යානය කරකැවෙන්නට ගන්නා අතර, මහ හඬක් නංවමින් ගිනි ජාලාවක් බවට පත්වන අයුරු ද මෙම හානියට පත් නො වූ ජංගම දුරකථනයේ සටහන් වී තිබෙනවා.
අනතුර සිදු වන අවස්ථාවේ එහි මඟීන් 72ක් ගමන් කර ඇති අතර මේ වන විට ඔවුන්ගෙන් 68 දෙනකුගේ සිරුරු සොයාගෙන තිබෙනවා.
තවත් සිවු දෙනකුගේ සිරුරු හමුව නොමැති බවයි වාර්තා වන්නේ.
Janamina Sri Lanka Rupee Exchange Rate