මත්පැන්වලට ඇබ්බැහි වීම හේතුවෙන් බ්රිතාන්යයේ කොකෝ නම් සුනඛයෙකුට පශු වෛද්යවරු ප්රතිකාර කර තිබේ. කොකෝගේ වයස අවුරුදු 2 ක් වන අතර කොකෝ ලැබ්රඩෝ වර්ගයේ මිශ්ර සුනඛයෙකි.
නින්දට යාමට ප්රථම මත්පැන් පානය කිරීමට මෙම සුනඛයා පුරුදුව සිට ඇති අතර ඔහුගේ ස්වාමියා මිය යාමෙන් පසු පශු වෛද්යවරුන් මත්පැන් වලට ඇබ්බැහි වූ කොකෝ සහ තවත් සුනඛයෙකු සොයා ගෙන ඇත. සුනඛයන් දෙදෙනාගේ මත්පැන් ඇබ්බැහි වීමට පශු වෛද්යවරුන් ප්රතිකාර ආරම්භ කර ඇති අතර එහිදී එක් සුනඛයෙකු මියගොස් තිබේ.
කොකෝ දැඩි සත්කාර ඒකකයේ තබා ගනිමින් පශු වෛද්යවරුන් මාසයකට අධික කාලයක් ප්රතිකාර කර ඇත. කොකෝට දැන් අනතුරක් නොමැති බවත් සාමාන්ය සුනඛයෙක් හැසිරෙන ආකාරයෙන් හැසිරෙන බවත් පශු වෛද්යවරුන් පෙන්වා දී ඇත.
කෙසේ නමුත් මත්පැන් පානයට ඇබ්බැහි වූ සුනඛයකුට ප්රතිකාර කළ ප්රථම අවස්ථාව මෙය බව පශු වෛද්යවරුන් පවසා තිබෙන බව විදෙස් මාධ්ය වැඩිදුරටත් පවසයි.