ඉඩම් ප්රතිසංස්කරණ කොමිෂන් සභාව තුළ අස්ථානගතවී ඇති ලිපිගොනු සම්බන්ධයෙන් කඩිනමින් පරීක්ෂණයක් අමාත්යාංශ මට්ටමින් පවත්වන ලෙස කෝප් කමිටුවේ සභාපති මහාචාර්ය රංජිත් බණ්ඩාර ඉඩම් අමාත්යාංශයට උපදෙස් ලබා දුන්නේය.
2015 වසරේ සිට ඉඩම් ප්රතිසංස්කරණ කොමිෂන් සභාවේ වාර්ෂික වාර්තා පාර්ලිමේන්තුවට ඉදිරිපත්කර නොමැති බව කෝප් කමිටුවේ දී අනාවරණයවී ඇත. මේ තොරතුරු අනාවරණය වී ඇත්තේ එම කොමිෂන් සභාවේ නිලධාරීන් කෝප් කමිටුව හමුවට කැඳවූ අවස්ථාවේදීය
වාර්ෂික වාර්තා ඉදිරිපත් කරන ලෙස කෝප් කමිටුව දිගින් දිගටම අවධාරණය කර තිබුණ ද 2015 වසරේ අවසන් වරට ඉදිරිපත් කළ වාර්ෂික වාර්තාවෙන් පසු මෙතෙක් වාර්තාවක් ප්රකාශයට පත් නොකිරීම පිළිබඳ කෝප් කමිටු සභාපතිවරයා අප්රසාදය පළ කර ඇත
ඉඩම් ලබාදීමේදී නිසි අනුපිළිවෙලක් සකසන ලෙස පසුගිය රැස්වීමේදී නිර්දේශ කළ ද තවමත් එහි කිසිදු ප්රගතියක් සිදුවී නොමැති බව නිරීක්ෂණයවී ඇතැයි කෝප් කමිටුව පවසයි.
- සුජිත් හේවාජුලිගේ සහ අංජුල මහික වීරරත්න