රතු නිවේදන නිකුත් කිරීම ඉහළ යයි . . .

පසුගිය 2022 වසරේ ජනවාරි මාසයේ සිට එම වසරේ දෙසැම්බර් මාසය දක්වා විදුලි බිල් පත් නොගෙවූ පාරිභෝගිකයින්ට ලංකා විදුලි බල මණ්ඩලය විසින් රතු නිවේදන යොමු කිරීම 60%කින් ඉහළ ගොස් ඇති බව මහජන උපයෝගීතා කොමිසම පවසයි.

එම කොමිසමේ වෙබ් අඩවියේ ඇතුලත් දත්ත අනුව ඉකුත් වසරේ ජනවාරි මාසයේදී බිල් පත් නොගෙවූ පාරිභෝගිකයින් දෙලක්ෂ පනස් තුන්දහස් හාරසියහැට පහක් (253,465) සඳහා රතු නිවේදන නිකුත් කර ඇත.

කෙසේවෙතත් එම වර්ෂයේ දෙසැම්බර් මාසයේදී රතු නිවේදන යොමු කර ඇති මුළු විදුලි පාරිභෝගිකයින් සංඛ්‍යාව හාරලක්ෂ අටදහස්හාරසිය අසූ නවයක් (408,489) වේ.

ඒ අනුව විදුලි බිල් නොගෙවිම හේතුවෙන් රතු නිවේදන නිකුත් කිරීම 60%කින් පමණ ඉහළ ගොස් ඇති බව මහජන උපයෝගීතා කොමිසම පෙන්වා දෙයි.

• බීබීසී සිංහල