ලෝක ප්‍රකට හැරී පොටර් කතා මාලාවේ චිත්‍රපට 6ක ඇල්බස් ඩම්බල්ඩෝර්ගේ චරිතයට පණ පෙවූ ශ්‍රීමත් මයිකල් ගැම්බන් ජීවිතක්ෂයට පත්ව තිබේ.
මිය යන විට ඔහු 82 හැවිරිදි වියේ පසුව විය. මයිකල් ජෝන් ගැම්බන් 1940 වසරේ ඔක්තෝබර් 19 වන දින ඩබ්ලින්හිදී උපත ලැබී ය.
ඔහුගේ පියා ඉන්ජිනේරුවෙකු වූ අතර මව මැහුම් ශිල්පිනියක වූවා ය.
රූපවාහිනය සහ සිනමාව ඔස්සේ ගැම්බන් වැඩි වශයෙන් ජනාදරයට පාත්‍ර වුව ද ඔහු රංගනයට පිවිසියේ වේදිකාවෙනි.
විදෙස් මාධ්‍ය පෙන්වා දෙන්නේ, ඔහු තුළ වේදිකාව කෙරෙහි වූ ඇල්ම කිසිදා වියැකී නොගිය බව ය.
ඇල්බස් ඩම්බල්ඩෝර්ගේ චරිතයට මුල් වරට පණ පෙවූ රිචඩ් හැරිස්ගේ අභාවයෙන් පසු ගැම්බන් ඒ සඳහා තේරී පත්ව ඇත.
ගැම්බන් ජාත්‍යන්තර ප්‍රජාව අතරට ගෙන ගියේ හැරී පොටර් කතා මාලාව බව විදෙස් මාධ්‍ය සඳහන් කර ඇත.
ඔහු බ්‍රිතාන්‍යයේ සිටින විශිෂ්ට රංගන ශිල්පින් අතර සම්මානයට පාත්‍ර වුණු රංගන ශිල්පියෙකු විය.
Janamina Sri Lanka Rupee Exchange Rate