රාජ්‍ය සේවක වියදම් දැඩිව සීමා කරයි . . .

සියලුම රජයේ නිලධාරීන්ගේ වැටුප්, දීමනා සහ ගමන් වියදම් දැඩි ලෙස සීමා කරමින් මුදල් අමාත්‍යාංශය විසින් චක්‍ර ලේඛයක් නිකුත් කර තිබේ.

එම චක්‍රලේඛයට අනුව මාසික අතිකාලවල එකතුව මූලික වැටුප නොඉක්මවිය යුතු වන අතර අතිකාල දීමනා නිවාඩු දින වැටුප්, වෙනත් දීමනා සහ ගමන් වියදම් සඳහා වෙන් කර ඇති මුදල්වලට අමතරව මුදල් වෙන් නොකෙරේ.

අදාළ ආයතනය මගින් පූර්ණ පිරිවැය දරන්නේ නම් මිස විදේශ අධ්‍යයන, පුහුණු, සාකච්ඡා, සම්මන්ත්‍රණ හෝ සංචාර සඳහා නිලධාරීන් සහභාගි නොකළ යුතු බවද විදේශීයය ණය මගින් ක්‍රියාත්මක වන ව්‍යාපෘතිවල අරමුදල් වියදම් කර විදේශ සංචාර සඳහා නිලධාරීන් නොයැවිය යුතු බවද සඳහන් වන එම චක්‍ර ලේඛයේ කාර්ය මණ්ඩල පුහුණු සඳහා දේශීය රාජ්‍ය ආයතන වෙත පමණක් නිලධාරීන් යොමු කළ යුතු බවත් සඳහන් කර තිබේ.

එමෙන්ම හැකි සෑම විටම මාර්ගගත ක්‍රමය ඔස්සේ රැස්වීම්, වැඩමුළු, සම්මන්ත්‍රණ සහ පුහුණු සැසි පැවැත්විය යුතු වන අතර නිලධාරියා පෞද්ගලිකව පෙනී සිටිය යුතු අවස්ථාවන් හි පමණක් කැඳවීම් කළ යුතු වෙයි.

ඉන්ධන වියදම් පාලනය සම්බන්ධයෙන් දැඩි ක්‍රියාමාර්ග ගන්නා ලෙසද එමගින් දැනුම් දී තිබේ.

අනුමත නිල වාහන හිමිකම අනුව එක් වාහනයක් පමණක් භාවිත කළ යුතු වන අතර නිල වාහන හිමිකම වෙනුවට මාසික ප්‍රවාහන දීමනාව ලබා ගන්නා නිලධාරීන් කිසිදු අවස්ථාවක සංචිත වාහන භාවිත නොකළ යුතු බවත් භාණ්ඩාගාරයේ පූර්ව අනුමැතියකින් තොරව මාසික කුලී පදනම මත හෝ මෙහෙයුම් කල්බදු පදනම මත වාහන ලබා​ නොගත යුතු බවත් එම චක්‍රලේඛයේ සඳහන්ය.

එමෙන්ම දැනටමත් ලැබෙන සහනදායී දුම්රිය හා මාර්ගස්ථ ප්‍රවාහනවාර ප්‍රවේශ පත්‍ර හිමිකමට සහ ප්‍රවාහන පහසුකම්වලට අමතරව සාමාන්‍ය රාජකාරි සඳහා පැමිණීමට මෙන්ම ආපසු යාමටද වෙනත් ප්‍රවාහන පහසුකම් සඳහා රජයේ මුදල් භාවිත නොකළ යුතු යැයිද රජයේ මුදල් භාවිත කරමින් දිනපොත්, සටහන් පොත්, කැලැන්ඩර්, ආරාධනා පත්‍ර හා සුබපැතුම් පත් මුද්‍රණය නොකළ යුතු යැයිද එහි සඳහන්ව තිබේ.

විධිමත් අනුමැතියකින් තොරව සෘජු විදේශ ප්‍රදාන රාජ්‍ය ආයතන වෙත ලබා​ නොගැනීම ද හදිසි මිල දී ගැනීම් සිදු නොවන පරිදි අවශ්‍යතා කලින් හඳුනා ගැනීමද චක්‍රලේඛ විධිවිධාන අතර වෙයි.

  • Aruna
Subscribe
Notify of
0 Comments
Newest
Oldest Most Voted
Inline Feedbacks
View all comments

Next Post

මන්ත්‍රී නිවාස පිට අයට දීලා . . .

Sat Jan 13 , 2024
මාදිවෙල මන්ත්‍රී නිල නිවාස සංකීර්ණයේ බාගයට භාගයක් සිටින්නේ මන්ත්‍රීවරුන් නොව පිටස්තර අය බව අලුත්ම සොයා බැලීමකදී තොරතුරු අනාවරණයවී ඇතැයි  පාර්ලිමේන්තු නිලධාරියෙක් පැවසීය. විශේෂයෙන්ම මන්ත්‍රීවරුන්ගේ ඥාතීන් ආරක්ෂක නිලධාරීන්, හිතවතුන්, හිතවතියන්  මෙන්ම  හිටපු පාර්ලිමේන්තු මන්ත්‍රීවරුන්  පනහකට ආසන්න පිරිසක්  මෙම  නිල නිවාසවල සිටින බව දැනගන්නට ඇත. මාදිවෙල මන්ත්‍රී නිල නිවාස ලබා දෙනුයේ කොළඹින් […]

හැඳින්වීම

” ජනමිණ ”

සිහනෙත් මාධ්‍ය ජාලයට අයත් වෙබ් අවකාශයකි. මෙම වෙබ් අවකාශය හරහා ප්‍රවෘත්ති හා විශේෂාංග තුලනාත්මක හා අරුත්බර මුහුණුවරකින් ඔබ වෙත රැගෙන ඒම අපේ අභිප්‍රායයි. ” ජනමිණ ” පාඨක ජනවින්‍යාසය වෙත නැවුම් පරිකල්පනයන් විවර කරන හරවත් නිර්මාණාත්මක ලේඛනයෙන් පොහොණි ය.

0
Would love your thoughts, please comment.x
()
x