ගෙවුණු මාස තුනට තත්ත්වයෙන් බාල ඖෂධ හා ශල්‍ය උපකරණ දහසයක් භාවිතයෙන් ඉවත් කර ඇති බව සෞඛ්‍ය අමාත්‍යංශයේ වෛද්‍ය සැපයුම් අංශය පෙන්වා දෙයි.
ප්‍රතිජිවක ඖෂධ, අක්ෂි දියර, දියවැඩියාව සහ කැස්ස යන රෝගවලට ලබාදෙන ඖෂධ, කැනියුලා, රුධිර කාන්දුකරණ රසායන ද්‍රව්‍ය ඒ අතර වෙයි.
තවද සෞඛ්‍ය අමාත්‍යංශය යටතේ ඇති රත්මලානේ පිහිටි රාජ්‍ය ඖෂධ නිෂ්පාදන නීතිගත සංස්ථාව සෑදු දියවැඩියාව ඖෂධයක් ද ප්‍රමිතියෙන් තොර බව වෛද්‍ය සැපයුම් අංශය තහවුරු කර ඇත.
මේ වනවිට මෙම ඖෂධ සහ ශල්‍ය උපකරණ රොහල්වලින් ඉවත් කර තිබේ .
කොළඹදී පැවති මාධ්‍ය හමුවකදි අදහස් දැක්වු සිවිල් අයිතිවාසිකම් පිළිබඳ වෛද්‍යවරුන්ගේ වෘත්තිය සමිති සන්ධානයේ සභාපති වෛද්‍ය චමල් සංජිව ප්‍රකාශ කළේ තත්ත්වයෙන් බාල ඖෂධ රෝගීන්ට ලබා දීම තුළින් ඔවුන්ගේ ජිවිත සම්බන්ධයෙන් සෞඛ්‍ය සේවාවේ වගකීම පිළිබඳ ප්‍රශ්නයක් මතුව ඇති බවය.
- වරුණි පෙරමුණ
Janamina Sri Lanka Rupee Exchange Rate