පරණ යකඩ අපනයනය කිරීම තහනම් කර ඇතත් තවමත් විවිධ ආකාරයෙන් විශාල ලෙස ඒවා පිටරට පටවන බැවින් පරණ යකඩ එකතු කරන්නන් නියාමනය කිරීමට කර්මාන්ත අමාත්‍යාංශය තීරණය කර තිබේ.
ලංකා රජය 2020 වසරේදී අබලි යකඩ අපනයනය කිරීම තහනම් කළේය. ඒත් මේ වනවිටත් වාත්තු ලෝහ ලෙස ඉදිරිපත් කරමින් අබලි ලෝහ අපනයනය සිදුවන බවට අනාවරණය වී තිබේ. මේ පිළිබඳව සොයා බැලීම සඳහා කමිටුවක් පත් කිරීමට කර්මාන්ත අමාත්‍යාංශයේ ලේකම් ශාන්ත වීරසිංහ උපදෙස් ලබාදී ඇත.
කර්මාන්ත අමාත්‍යාංශයේ ලියාපදිංචිය ලබාගත් ඇතැම් කර්මාන්තශාලා නිෂ්පාදන කටයුතු සිදුකරන මුවාවෙන් අබලි ලෝහ අපනයනය කරන බවට කර්මාන්ත අමාත්‍යාංශය වෙත පැමිණිලි ලැබී තිබේ. එම පැමිණිලිවලට අනුව ව්‍යාජ කර්මාන්තශාලාවලට එරෙහිව ක්‍රියාමාර්ග ගැනීමට කර්මාන්ත අමාත්‍යාංශයේ ලෝහ, ඩයි හා අච්චු, යන්ත්‍රෝපකරණ ආංශික උපදේශන සභා කමිටු රැස්වීමේදී තීරණය කර ඇත.
- නිර්මාණි තිලකසිරි
Janamina Sri Lanka Rupee Exchange Rate