වාහන අංකයේ අවසාන අංකයට අදාළ දිනයන්හිදී ඉන්ධන ලබාදීම ඊයේ (ජූලි 21දා) සිට ආරම්භ කිරීමත් සමග ඇතැම් පිරිස් වාහන අංක තහඩු වෙනස් කරමින් ඉන්ධන හල් වෙත පැමිණි ආකාරයක් සාමාජ මාධ්ය වාර්තා වල දැක්විණි. වාහනයේ අංක තහඩු වෙනස් කොට හසු වුවහොත් රු 20,000/= ක දඩයකට හෝ මාස තුනක සිර දඬුවමකට ලක්විය හැකි බව පොලිස් මූලස්ථාන උසස් නිලධාරියෙක් පැවසීය.
මෙම වරදට අදාළව එම වාහනයේ හිමිකරු අත්අඩංගුවට ගත හැකි බවත් එම වරදට අධිකරණය වෙත ඉදිරිපත් කොට මෙම දඬුවම් ලබා දිය හැකි බවත් එම නිලධරියා සඳහන් කළේ ය.
1984 අංක 40 මෝටර් වාහන පනත, 2009 අංක 8 8 දරන මෝටර් වාහන පනත හරහා සංශෝධනය වී එහි දැක්වෙන ආකාරයට මෙම දඬුවම් ක්රියාත්මක කළ හැකි ය.
වාහන අංක තහඩු වංචනික ලෙස වෙනස් කිරීම, අනුකරණය කිරීම, මකා දැමීම හෝ විනාශ කිරීම මෙලෙස දඬුවම් ලබාදීමට හේතු වන බවත් එහිදී මුල් අවස්ථාවේ වරදකරු වන අයට රු 15,000/= ට නොඅඩු සහ රු 20,000/= ට නොවැඩි දඩයකට හෝ මාස තුනක සිර දඬුවමකට අධිකරණය මගින් දඬුවම් ලබා දීමට හැකියාව පවතී.
එසේ ම, මෙම වරදට දෙවැනි වතාවේ හෝ පසුව හසුවන්නෙකුහට මූල්ය දඩය රු 30,000/= කට නොඅඩු රු 50,000/= කට නොවැඩි දඩයකට හෝ මාස තුනක සිර දඬුවමට යටත් කිරීමට අධිකරණමය බලය තිබේ.
.