වෙළෙඳ පොළේ වාහනවල මිල ගණන් අද වන විට ශීඝ්ර ලෙස පහත බසිමින් පවතින බව ලංකා වාහන ආනයනකරුවන්ගේ සංගමය පවසයි. පොලී අනුපාත ඉහළ යාම, ඉන්ධන මිල ඉහළ යාම සහ අමතර කොටස් හිඟය ඇතුළු තවත් ගැටලු හේතුවෙන් මෙලෙස වාහනවල මිල පහත ගොස් ඇති බව එහි සභාපති ඉන්දික සම්පත් මෙරෙන්චිගේ සඳහන් කළේය.
කෙසේ වෙතත් වාහනවල මිල පහළ ගිය ද අමතර කොටස් හා වාහන නඩත්තු ගාස්තු අධික ලෙස ඉහළ ගොස් ඇති බව ද ඔහු පවසයි. වාහන සර්විස් කිරීම සඳහා අය කරන මිල ගණන්ද 50% ත් 100% ත් අතර ප්රමාණයකින් ඉහළ දැමීමට කටයුතු කරන බව සමස්ත ලංකා කුඩා හා මධ්ය පරිමාණ කර්මාන්තකරුවන්ගේ සංගමයේ සභාපති නිරුක්ෂ කුමාර පැවසීය.