වෛද්‍යවරුන්ට ලබා දුන් රුපියල් 35,000 දීමනාව ඉල්ලා සෞඛ්‍ය වෘත්තීය සමිති අත්හිටුවූ සෞඛ්‍ය වැඩවර්ජනය පෙබරවාරි 1දා නැවත ක්‍රියාත්මක කිරීමට තීරණය කළ බව සෞඛ්‍ය වෘත්තීය සමිති සන්ධානය පවසයි.
සෞඛ්‍ය සේවයේ වෘත්තීය සමිති 72ක සහභාගිත්වයෙන් ඊයේ (ජන. 18) පැවති විශේෂ සමුළුවේදී නැවත වැඩවර්ජනය කිරීමට ඒකමතිකව තීරණය කළේ යැයි සෞඛ්‍ය වෘත්තීය සමිති සන්ධානය මාධ්‍යට පැවසීය.
ආර්ථික යුක්තිය ඉටුකිරීම පිළිබඳ සෞඛ්‍ය කාර්ය මණ්ඩලය ලබා දුන් යෝජනාවලිය සාධාරණ එකක් යැයි සෞඛ්‍ය අමාත්‍යාංශය පිළිගත්තද ඒ පිළිබඳ අවසන් තීරණයක් ලබා දීම සඳහා ජනාධිපතිවරයා පැමිණිය යුතු යැයි ද ඊට කාලය ලබා දෙන්නැයි ද සාකච්ඡාවේදී ඇමැතිවරු ඇතුළු නිලධාරීන් ඉල්ලා සිටි බවත් ඔහු කීය.
ඒ අනුව එම ඉල්ලීම පිළිබඳ සලකා බලා පසුගිය 17 දා වැඩ වර්ජනය අවසන් කළ ද අසාධාරණ තීන්දු ගනිමින් අනවශ්‍ය වර්ජනයක් වෙත සෞඛ්‍ය සේවාව තල්ලු කර දැමීමක් සිදු කළ බැවින් සෞඛ්‍ය අමාත්‍යාංශයට සහ මුදල් අමාත්‍යාංශයට එරෙහිව විරෝධය පළ කරමින් ජනවාරි 23දා සිට දිවයින පුරා විරෝධතා සිදු කිරීමට ඊයේ සිය සමුළුව ඒකමතිකව තීරණය කළේ යැයි ද කැඳවුම්කරු පැවසීය.
Janamina Sri Lanka Rupee Exchange Rate