එක්සත් ජාතින්ගේ සංවිධානයේ වාර්තා කිහිපයක් පෙන්වමින් මේ රටේ දරුවන් මන්දපෝෂණයෙන් පෙලෙන බවට හුවා දක්වමින් රටේ පාලන බලය ලබා ගැනිමට කිසියම් පිරිසක් කටයුතු කරමින් සිටින බව ලක් වනිතා කාන්තා සංවිධානයේ මහනුවර දිස්ත්‍රික් නායිකා ශාන්තිනි කොන්ගහගේ පැවසිය. ශාන්තිනි කොන්ගහගේ ඒ බැව් කියා සිටියේ නාවලපිටිය පාස්බාගේ කොරලේ ප්‍රාදේශිය ලේකම් කාර්යාල බල ප්‍රදේශයේ අඩු අදායම්ලාභි පවුල් වල 5 සිට 10 වසර දක්වා අධ්‍යාපනය ලබන සිසු සිසුවියන් 1000 දෙනෙකුට ශිෂ්‍යත්ව ලබාදිමේ වැඩපිලිවෙල පිලිබදව ප්‍රතිලාභ ලබන සිසු සිසුවියන් සහ ඔහුන්ගේ දෙමව්පියන් දැනුවත් කිරිම සදහා නාවලපිටිය පස්බාගේ කොරලේ ප්‍රාදේශිය සභා ශ්‍රවණාගාරයේ පැවති දැනුවත් කිරිමේ වැඩසටහනකදිය.
මෙහිදි වැඩිදුරටත් අදහස් දැක් වු ශාන්තිනි කොන්ගහගේ කියා සිටියේ පසුගිය කාලයේ අරගලයක් මුවාවෙන් කිසියම් පිරිසක් විසින් ජනාධිපති මැදුර , ජනාධිපති ලේකම් කාර්යාලය ඇතුළු රාජ්‍ය දේපල රැසකට අලාභ හානි සිදු කල බවයි. එම රාජ්‍ය දේපල රටේ ජනතාවගේ සම්පතක් බවත්, එම අරගලය පිටුපස සිටියේ මේ රටේ අරගල සිදු කරමින් දේශපාලනය කරන පිරිසක් බවයි. රට පත් වි ඇති ආර්ථික අර්බුධය හමුවේ මේ රට තුල අරගල කරන අවදියක් මෙය නොවන බවත්, සියළු දෙනා එකට එකතු වි කටයුතු කර රටේ ආර්ථික තත්ත්වය යලි යථා තත්ත්වයට ගෙන ඒමට කටයුතු කල යුතු බවයි ශාන්තිනි කොන්ගහගේ වැඩිදුරටත් කියා සිටියේ.
– රංජිත් රාජපක්ෂ
Janamina Sri Lanka Rupee Exchange Rate