ශ්රී ලංකාවේ ඉහළයන රිළා ගහනය ට විසඳුමක් ලබාදෙමින් මෙරට රිළවුන්ට චීනයෙන් ඉහළ ඉල්ලුමක් ලැබී ඇතැයි කෘෂිකර්ම අමාත්යාංශය පවසයි.
ශ්රී ලංකාවේ රිළවුන් චීනයේ සත්ත්වෝද්යාන සඳහා ලබාදෙන ලෙස චීන නියෝජිතයින් පිරිසක් කෘෂිකර්ම අමාත්යාංශයට ඉල්ලීමක් ඉදිරිපත් කර ඇති බව එම අමාත්යාංශය සඳහන් කරයි.
මෙම ඉල්ලීම අනුව මෙරට රිළවුන් 100,000ක් පළමු අදියර යටතේ ලබාදීම සඳහා විශේෂ සාකච්ඡාවක් අද (11) දින බත්තරමුල්ල කෘෂිකර්ම අමාත්යාංශයේ දී පවත්වා තිබේ.
කෘෂිකර්ම අමාත්ය මහින්ද අමරවීරගේ ප්රධානත්වයෙන් පැවැති එම සාකච්ඡාවට කෘෂිකර්ම අමාත්යාංශය, ජාතික සත්ත්වෝද්යාන දෙපාර්තමේන්තුව, වනජීවි දෙපාර්තමේන්තුව නියෝජනය කරමින් නිලධාරීන් පිරිසක් එක්වී ඇත.