දිඹුලාගල හඳපාන්විල පුරාවිද්යා රක්ෂිතය කිසියම් අයෙකු විසින් ඩෝසර් කර පුරාවස්තු රාශියක් විනාශ කර ඇති බව පොලොන්නරුව පුරා විද්යා කාර්යාලය සඳහන් කරයි.
මෙම ස්ථානය පුරා විද්යාත්මක අතින් ඉතා ඉහළ වැදගත්කමක් ඇති වසර 2000 කටත් වඩා ඉපැරණි බව ද ඔවුන් සඳහන් කරති. ලජ්ජිතිස්ස රජු විසින් කරවා සංඝරත්නයට පූජා කරන ලද විහාරාරාම සංකීර්ණයක් මෙම ස්ථානයේ ඇතැයි ද සෙල්ලිපියක සඳහන් වෙයි. සිදුවීම සම්බන්ධයෙන් කළ මූලික පරීක්ෂණවලදී අනාවරණය වී ඇත්තේ ඉපැරණි ගල්කණු හා ගල් ආදී පුරාවස්තු රැසක් විනාශ කර දමා ඇති බවයි.
සිදුවීම් සම්බන්ධයෙන් පොලිසියට පැමිණිල්ලක්ද කර තිබේ.