වාරියපොල බමුණුකොටුව වල්පොල ප්රදේශයේ රුපියල් ලක්ෂ 250ක වියදමින් ඉදිකළ සංස්කෘතික මධ්යස්ථානයක් විවෘත කිරීමට ගිය අමාත්ය විදුර වික්රමනායක හා අමාත්ය ඩී. බී. හේරත්ට ප්රදේශවාසීන්ගේ දැඩි විරෝධයක් එල්ල විය. විරෝධතාවයට එක්වූ පිරිස කියා සිටියේ මෙම ගොඩනැගිල්ල මීට පෙර වාර ගණනාවක් විවෘත කර ඇති බවයි.
තවද මෙම මධ්යස්ථානය පිහිටි මහකෙළිය කටුපොත මාර්ගය කලක සිට අබලන්ව පවතින බවත් මෙවැනි ව්යාජ උත්සව වලට වැය කරන මුදල් මාර්ගය අළුත්වැඩියා කිරීමට යොදවන ලෙසද පිරිස ඉල්ලා සිටියහ. කෙසේ වෙතත් බුද්ධශාසන, ආගමික හා සංස්කෘතික කටයුතු පිලිබඳ අමාත්ය විදුර වික්රමනායක උත්සවයට පැමිණීමට පමා වූ අතර නව ගොඩනැගිල්ලේ ඵළකය නිරාවරණය කරන ලද්දේ ප්රදේශයේ කලාකරුවන් පිරිසක් විසිනි.