හෙට (15) දිනයේ සිදුකිරීමට නියමිත වැඩ වර්ජනයට පෞද්ගලික බස් රථ කිසිදු සහයෝගයක් ලබා නොදෙන බව ලංකා පෞද්ගලික බස් හිමියන්ගේ සංගමය පවසයි. එම සංගමයේ සභාපති ගැමුණු විජේරත්න පැවසුවේ හෙට දිනයේදී මහජනතාවගේ ගමනාගමන කටයුතු වලට කිසිදු බාධාවක් සිදු නොවන බවයි.
එම සේවා පවත්වාගෙන යාමට බස්රථ ප්රමාණවත් නොමැති නම් අතිරේක බස් රථ යෙදවීමට පියවර ගන්නා බව ගැමුණු විජේරත්න පවසයි.
වර්ජනයේ නිරත පිරිසට වැටුප් හිමි වුවත් පෞද්ගලික බස් රථ වර්ජනය කළහොත් එම සේවකයන්ට කුසගින්නේ සිටීමට සිදුවන බැවින් එළැඹෙන සිංහල හින්දු අලුත් අවුරුදු සමය දක්වා අඛණ්ඩව බස් රථ සේවාවන් යෙදවීමට කටයුතු කරන බව ලංකා පෞද්ගලික බස් හිමියන්ගේ සංගමය වැඩිදුරටත් සදහන් කරයි.