කච්චතිව් දූපතේ නාවික හමුදා විසින් තැන්පත් කර ඇති බුදු පිළිමයක් ඉවත් කරන ලෙස ඉල්ලා දෙමළ සන්ධාන පාර්ලිමේන්තු මන්ත්රී සෙල්වරාජා ගජේන්ද්රන් ඇතුළු පිරිසක් ඩෙල්ෆ්ට් ප්රාදේශීය සභාව ඉදිරිපිට විරෝධතාවක නිරත වී ඇත.
මෙම සිදුවීම පිළිබඳව නාවික හමුදා මාධ්ය ප්රකාශකවරයා සඳහන් කරන්නේ නාවික හමුදාව එම දූපතේ කිසිදු අවස්ථාවක බුදු පිළිමයක් ඉදි කර නැති බවයි.
ගොඩබිම සිට නාවික සැතපුම් පනහකට ආසන්න දුරකින් පිහිටි මිනිස් වාසයෙන් තොර කච්චතිව් දූපතේ නාවික හමුදා අනුඛණ්ඩයක් ස්ථාපිත කර ඇති බවත් එම අනුඛණ්ඩය බහුතර සේවක සෙබළ පිරිසක් බෞද්ධාගමිකයන් නිසා ඔවුන්ගේ වන්දනාමාන කටයුතු සඳහා කුඩා බුදු පිළිමයක් තැන්පත් කර ඇති බවත් ඔහු පැවසීය.
එම දුපතේ ශාන්ත අන්තෝනි මුනිඳුන්ගේ දේවස්ථානය හැරුණු කොට වෙනත් කිසිදු ස්ථිර ඉදි කිරීමක් සිදුකර නැති බවද පවසන ඔහු නාවික භටයන් නැවතී සිටින්නේ ද තාවකාලිකව ඉදිකරන ලද නිවාස වල බවත් පැවසීය.