එළඹෙන උත්සවය සමය වෙනුවෙන් ඉන්ධන කෝටාව ඉහළ දැමීමට රජය තීරණය කර තිබේ.
ජනාධිපති මාධ්‍ය අංශය නිවේදනයක් නිකුත් කරමින් පවසන්නේ ඒ අනුව අද මධ්‍යම රාත්‍රියේ සිට ක්‍රියාත්මක වන පරිදි ඉන්ධන කෝටාව ඉහළ දමන බවය.
මීට පෙර සැලසුම් කළ අයුරින් මෙලෙස වැඩිකරන ඉන්ධන කෝටාවට අවශ්‍ය තරම් ඉන්ධන ඇනවුම් කර මේ වනවිට ඛනිජ තෙල් නීතිගත සංස්ථාව සතුව පවතින බවද ජනාධිපති මාධ්‍ය අංශය එම නිවේදනයෙන් වැඩිදුරටත් පවසයි.
ඒ අනුව ඉන්ධන කෝටාව ඉහළ දමා ඇති ආකාරය පහතින් දැක්වේ.
- ත්‍රිරෝද රථ සඳහා පෙට්‍රල් ලීටර් 8ක් දක්වා,
- යතුරුපැදි සඳහා පෙට්‍රල් ලීටර් 7ක් දක්වා,
- බස් රථ සඳහා ඉන්ධන ලීටර් 60ක් දක්වා,
- මෝටර් රථ සඳහා ඉන්ධන ලීටර් 30ක් දක්වා,
- ඉඩම් වාහන සඳහා ඉන්ධන ලීටර් 25ක් දක්වා,
- ලොරි රථ සඳහා ඉන්ධන ලීටර් 75ක් දක්වා,
- විශේෂ කාර්ය වාහන සහ වෑන් රථ සඳහා ඉන්ධන ප්‍රමාණය ලීටර් 20 සිට 30 දක්වා ඉහළ දමා තිබේ.
Janamina Sri Lanka Rupee Exchange Rate