Windows 10 සමුගන්නට සූදානම් හා windows 11 වඩාත් හැඩ වෙමින් සිටී. Windows 10 ක්‍රමයෙන් අවසන් වෙමින් ඇති මෙහෙයුම් පද්ධතියක් වන අතර Microsoft ආයතනය ක්‍රමයෙන් Windows 11 වෙතට භාවිතාකරන්නන් කැඳවා ගැනීමේ උත්සාහය තීව්‍ර කරමින් සිටී.
තවමත් windows 11 වෙතට පැමිනීමට TPM (Trusted Platform Module) 2.0 සමග 4GB RAM හා 64GB storage හැකියාවක් ඔබගේ පරිගණකයෙන් ඉල්ලා සිටීම අනිවාර්ය අවශ්‍යතාවයක්ව තිබේ. මේ වන විටත් සැලසුම්ව ඇත්තේ On 13 June වන විට November 2021 නිකුත්කල Windows 10 වල build 21H2 සංස්කරනය සදහා සහය දැක්වීම අවසන් කරන්නට ය.
මේ අනූව ඉදිරියටත් ඔබගේ windows 10 මෙහෙයුම් පද්ධතිය ආරක්ශිතව හා ඵලදායීව තබා ගන්නට නම් build 22H2 සංස්කරණය වෙතට පිවිසීම අත්‍යාවශ්‍ය වේ. එය පසුගිය ඔක්තෝබරයේ නිකුත් කල minor update මට්ටමට පිලිගැනෙන නිකුතුවකි.
එය Windows 10 සදහා එන අවසන් annual update එක වන අතර October 2025 වලට නියමිත windows 10 සහය අවසන් වනට පෙර ලැබෙන අවසන් ප්‍රධාන යාවත්කාලීනය වනු ඇති බවට බලාපොරොත්තුවේ.
මේ අතර windows 11 ක්‍රමයෙන් භාවිතාකරන්නන්ගේ අවධානය ලබා ගනිමින් සිටින මෙහෙයුම් පද්ධතියක් වන අතර Microsoft සමාගම විසින් කලින් කලට නිකුත් කරන ‘Moments’ යාවත්කාලීන පෙල ඔස්සේ වඩ වඩාත් හැඩගන්වමින් සිටින එකකි.
තෙවන ‘Moments’ යාවත්කාලීනය සදහා මේ වන විට එම ආයතනය කටයුතු කරමින් සිටින අතර දියුනු කිරීම් රාශියකින් එය සමන්විත වනු ඇති බවට දැනටමත් තොරතුරු හෙලිවී ඇත.
ඒව අතර two-factor authentication Code සදහා මනා සහයක්, VPN සදහා මිත්‍ර බවක්, මෙන්ම AI දෙසට චලනයක් පිලිබඳව හදාරන්නන් අනුමාන කරමින් සිටී.
- Pubudu Siriwansa
Janamina Sri Lanka Rupee Exchange Rate