කොළඹ වරායේ නැංගුරම්ලා තිබු පැනමා රාජ්‍යයට අයත් නෞකාවකට හොරෙන් ඇතුලුවි නිතිවිරෝධි ලෙස විදේශගත විමට උත්සාහ කළ පුද්ගලයන් හතර දෙනකු නෞකාවේ සිටියදී එහි සේවකයන් හඳුනා ගැනිමෙන් පසු අත් අඩංගුවට ගෙන නෞකාව අද (10) සවස ගාල්ල වරායට පැමිණ ඔවුන් හතර දෙනා ගාල්ල වරායේ ආගමන විගමන නිලධාරින්ට බාරදී ඇත.
මෙසේ අත් අඩංගුවට ගෙන ඇත්තේ යාපනය වේලනයි,තොන්ඩමනාරු,පුදුකුඩිඉරුප්පු,සහ අරාලි උතුර යන ප්‍රදේශවල පදිංචි 21,22,35 යන වයස්වල පසුවන ද්‍රවිඩ ජාතිකයින් හතර දෙදෙනකි.
ආගමන විගමන නිලධාරින් පැවසුවේ තම පරික්ෂණ අවසන්විමෙන් පසු අධිකරණයට ඉදිරිපත් කිරිම සඳහා ඔවුන් වරාය පොලිසිය වෙත බාරදෙනු ලබන බවය.
- ඩී.ජී.සුගතපාල
Janamina Sri Lanka Rupee Exchange Rate