මුළු රටම බංකොලොත් වී හොම්බෙන් යන අවස්ථාවක මහලු මිනිහෙකුට ආශ්චර්යය කරන්න ඉඩ දී බලා සිටිය නොහැකි බව වෘත්තිය සමිති හා බෞද්ධ සංවිධාන එකමුතුවේ කැඳවුම්කරු රවි කුමුදේශ් සඳහන් කරයි.
ඒකාබද්ධ මැයි දින රැලිය මාලිගාවත්ත පී ඩී සිරිසේන ක්රීඩාංගනයේදී අමතමින් හෙතෙම මේ බව කියා සිටියේය. අද වන විට රට පාලනයෙන් ගිලිහී අවසන් බවත් වසර ගණනාවක් තිස්සේ එක එක පාලකයන් විසින් රට පාලනය කළද රටට වූ යහපතක් නැති බවත් ඔහු පැවසීය.
වත්මන් ජනාධිපති රනිල් වික්රමසිංහ ජාත්යන්තර මූල්ය අරමුදල කියන දේවල් පමණක් සිදුකරන බවත් ඔහු ජනතා කැමැත්තෙන් පාර්ලිමේන්තුවට පැමිණි පුද්ගලයකු නොවන බවත් හෙතෙම සඳහන් කළේය. රනිල් වික්රමසිංහ යනු ජාත්යන්තරයේ නියෝජිතයෙක් ද රටේ නියෝජතයෙක්දැයි තේරුම් ගත යුතුව ඇති බවත් ඔහු පවසයි.
එනිසා මේ මොහොතේ නැවතත් අරගලයක් අවශ්ය බවද පැවසූ ඔහු ඡන්දයට බය නාකි මානවයෙකු රට පරිවර්තනය කරන්න නොහැකි බව දැනගෙන නව දැනුම සමග රට ලෝකයට සම්බන්ධ කළ යුතු බවද හෙතෙම තවදුරටත් කියා සිටියේය.