කාලකණ්නි අරගලකරුවන්ට උදවු කරපු එවුන්ටත් හෙන ගහන බව ආණ්ඩු පක්ෂයේ ප්රධාන සංවිධායක නාගරික සංවර්ධන හා නිවාස අමාත්ය ප්රසන්න රණතුංග පාර්ලිමේන්තුවේදී පැවසීය.
“පුළුවන්නම් එන්න කියන්න මගේ ගෙදරට. මම තනියම ඉන්නවා. අරගලය කාලකණ්නි වැඩක් කිව්වම සමහරුන්ට රිදුණා. එහෙම රිදුනේ මේකට සම්බන්ධ අයටයි යනුවෙන් ද ප්රසන්න රණතුංග පැවසීය.
සාමකාමී අරගලකරුවන්ට ගෙවල් ගිනි තියන්න, මිනිස්සු මරන්න, රාජ්ය දේපළ විනාශ කරන්න අවශ්ය වුනේ නැතැයි ද එහෙම උවමනාවක් තිබුනේ කාළකණ්නින්ට යැයිද අමාත්යවරයා කීය.
විපක්ෂයේ අය මිනිස්සු මරන්න උපදෙස් දුන් බවද ගෙවල් ගිනි තියපු මිනිස්සුන්ට විරුද්ධව පැමිණිලි රාශියක් ඉදිරිපත් වී තියෙන අතර තවම නඩු පවරා නැතැයි ද මේ ගැන හොයා බලන්නැයි අධිකරණ ඇමතිවරයාගෙන් ඉල්ලන බව ප්රසන්න රණතුංග වැඩිදුරටත් සඳහන් කළේය.
- අංජුල මහික වීරරත්න සහ සුජිත් හේවාජුලිගේ