රජය ව්‍යාපාර කිරීමෙන් බැහැරව එම අවස්ථාව පෞද්ගලික අංශයට ලබාදිය යුතුය යන්න වත්මන් රජයේ ප්‍රතිපත්තිය බව ජනාධිපතිවරයා අවධාරණය කර තිබේ.
නිවේදනයක් නිකුත් කරමින් ජනාධිපති මාධ්‍ය අංශය මේ බව පවසයි.
අදාළ නිවේදනයේ වැඩිදුරටත් සඳහන්ව ඇත්තේ ශ්‍රී ලංකා ටෙලිකොම් ආයතනය පෞද්ගලීකරණය කිරීමෙන් ජාතික ආරක්ෂාවට තර්ජනයක් වන බවට ජාතික ආරක්ෂාව පිළිබඳ ආංශික අධීක්ෂණ කාරක සභාව විසින් අද (09) පාර්ලිමේන්තුවට ඉදිරිපත් කරන ලද වාර්තාව සම්බන්ධයෙන් රජයේ අවධානය යොමුව ඇති බවය.
එසේම මෙම වාර්තාව මෙන්ම තොරතුරු හා සන්නිවේදනය ක්ෂේත්‍රයේ නිර්දේශ සැලකිල්ලට ගනිමින් ඉදිරි කැබිනට් මණ්ඩල රැස්වීමකදී මේ සම්බන්ධයෙන් අවසන් තීරණයක් ගන්නා බවද රජය දන්වා සිටින බව ජනාධිපති මාධ්‍ය අංශය පවසයි.
Janamina Sri Lanka Rupee Exchange Rate