කළුතර ශික්ෂණ රෝහලේ සිසේරියන් සැත්කම් කිරීම සඳහා අවශ්ය නිර්වින්දන ඖෂධය හිඟවීමෙන් සැත්කම් නැවතී තිබෙන බව විපක්ෂ නායක සජිත් ප්රේමදාස පවසයි.
ඔහු මේ බව අද (20) පාර්ලිමේන්තුවේදී සදහන් කළේය.
රටේ මවුවරුන් සහ ළදරුවන් ලක්ෂ දහයක් මන්දපෝෂණයෙන් පෙළෙන බව විපක්ෂනායකවරයා සදහන් කළේය.
මෙම තත්ත්වය තුළ මව්වරු හා දරුවන්ගේ ජිවිත හානියක් සිදුවිය හැකි බවත් කළුතර රෝහලේ සිසේරියන් සැත්කම් වලට අවශ්ය පහසුකම් ලබා දීම අත්යවශ්ය බවත් ඔහු වැඩිදුරටත් පවසා සිටියේය.