ජනාධිපති රනිල් වික්රමසිංහගේ සිංගප්පූරු සංචාරයක නිරතවන කාලයේ ජනාධිපතිවරයා යටතේ පවතින අමාත්යාංශ අධීක්ෂණය කිරීම සඳහා වැඩබලන අමාත්යවරු සිව් දෙනකු පත් කර තිබෙන බව ජනාධිපති කාර්යාලය පවසයි.
ඒ අනුව ජනාධිපතිවරයා දිවයිනෙන් බැහැරව සිටින හෙට (21) සහ අනිද්දා (22) දිනවලට අදාල වන පරිදි ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් වැඩබලන ආරක්ෂක අමාත්යවරයා ලෙස ද, මුදල් රාජ්ය අමාත්ය ශෙහාන් සේමසිංහ වැඩබලන මුදල්, ආර්ථික ස්ථායීකරණ සහ ජාතික ප්රතිපත්ති අමාත්යවරයා ලෙස ද, තාක්ෂණ රාජ්ය අමාත්ය කනක හේරත් වැඩබලන තාක්ෂණ අමාත්යවරයා ලෙස ද, සමාජ සවිබල ගැන්වීම් රාජ්ය අමාත්ය අනුප පස්කුවල් වැඩබලන කාන්තා, ළමා කටයුතු හා සමාජ සවිබල ගැන්වීම් අමාත්යවරයා ලෙස ද පත් කර ඇත.
- අංජුල මහික වීරරත්න