රේගුව විසින් අත්අඩංගුවට ගත් රුපියල් කෝටි ගණනක් වටිනා රූපලාවණ්ය ආලේපන සහ විලවුන් වර්ග සහිත බහාලුම් හයක් රේගු ගබඩා තුළ විනාශ වෙමින් පවතින බව අනාවරණය වේ.
වෙනත් භාණ්ඩ ආනයනය කරන මුවාවෙන් රේගුවට ව්යාජ ලේඛන ඉදිරිපත් කර මෙම රූපලාවණ්ය ආලේපන සහ විලවුන් වර්ග මෙරටට ගෙන්වා තිබිණි.
මෙම ආලේපන අතරින් විශාල තොගයක් එංගලන්තය ආදී රටවල නිෂ්පාදනය කරන ලද ඒවා බව රේගුව පවසයි.
මෙම ආලේපන ටෙන්ඩර් කිරීම සඳහා ජාතික ඖෂධ නියාමන අධිකාරිය විසින් අවසරය ලබා නොදීම නිසා ඒවා විනාශ වෙමින් පවතින බව රේගු ආරංචි මාර්ග කියයි.