සංචාරක හෝටල් සහ අවන්හල් සඳහා මෘදු මත්පැන් බලපත්‍ර ලබා දීම තාවකාලිව නවතා දැමීමට පියවර ගෙන ඇතැයි සුරාබදු දෙපාර්තමේන්තුව පවසයි.
එහි අතිරේක සුරාබදු කොමසාරිස් ජනරාල් කපිල කුමාරසිංහ සඳහන් කළේ, සංචාරක අමාත්‍යංශය ඉදිරිපත් කළ යෝජනාවකට අනුව මෙවැනි ස්ථාන සඳහා පහසුවෙන් සුරාබදු බලපත්‍ර ලබා ගැනීමට හැකි ක්‍රමවේදයක් පිළියෙල කර තිබුණු බව ය.
ඒ අනුව, මේ දක්වා දිවයින පුරා 400කට අධික ස්ථාන සංඛ්‍යාවකට එම අවසර පත්‍ර ලබා දීමට කටයුතු කර ඇතැයි ඔහු පැවසීය.
කෙසේ වෙතත්, අධිකරණය මගින් ලබා දුන් වාරණ නියෝගයකට අනුව, මෙම සතියේ සිට එම බලපත්‍ර ලබා දීම තාවකාලිව නවතා ඇති බව ඔහු සඳහන් කළේ ය.
එම අධිකරණ කටයුත්ත අවසන් වන තුරු මෘදු මත්පැන් අවසරය ලබා දීම සුරාබදු දෙපාර්තමේන්තුව විසින් නවත්වනු ලබන බව අතිරේක සුරාබදු කොමසාරිස් ජනරාල් කපිල කුමාරසිංහ සඳහන් කළේ ය.
ඔහු වැඩිදුරටත් සඳහන් කළේ, ඉදිරියේදී එම බලපත්‍ර ලබා දීමට සුදුසු පියවරක් ගැනීමට බලාපොරොත්තු වන බවය.
- Mawbima
Janamina Sri Lanka Rupee Exchange Rate