ලබන වසර (2024) සඳහා වන අයවැය නොවැම්බර් 13 වැනිදා සඳුදා දහවල් 12ට ඉදිරිපත් කිරීමට නියමිත බව පාර්ලිමේන්තුවේ සන්නිවේදන අංශය නිවේදනය කරයි.
අයවැය දෙවැනිවර කියවීමට අදාළ විවාදය නොවැම්බර් 14 වැනිදා සිට දින 07ක් පැවැත්වෙන බවත් ඊට අදාළ ඡන්ද විමසීම නොවැම්බර් 21 වැනිදා සවස 06ට පැවැත්වීමට නියමිත බවත් එහි සඳහන් වේ.
ලබන 2024 වසර සඳහා වන අයවැයට අදාළ කාරක සභා අවස්ථාවේ විවාදය නොවැම්බර් 22 වැනිදා සිට දින 19ක් පැවැත්වෙයි.
ඊට අදාළ ඡන්ද විමසීම දෙසැම්බර් 13 වැනිදා සවස 06ට පැවැත්වීමට නියමිතය.