අද (ඔක්. 20) සිට විදුලි ගාස්තු 18%කින් ඉහළ දැමීමට ලංකා විදුලි බල මණ්ඩලය වෙත මහජන උපයෝගිතා කොමිෂන් සභාව විසින් අනුමැතිය ලබා දෙනු ලැබ තිබේ.
ඒ අනුව, විදුලිය භාවිත කරන ඒකක ප්රමාණය අනුව සංශෝධිත ගාස්තු ඉහළ යන ආකාරය පහතින් දැක්වේ.
ඒකක 0 – 30 – රු.150 සිට රු. 180
ඒකක 31 – 60 – රු. 300 සිට රු. 360
ඒකක 61 – 90 – රු. 400 සිට රු. 480
ඒකක 91 – 120 – රු. 1,000 සිට රු. 1,180
ඒකක 121 – 180 – රු. 1,500 සිට රු. 1,770
ඒකක 180 කට වැඩි – රු. 2000 සිට රු. 2,360ක් දක්වා ඉහළ යනු ඇත.
ලංකා විදුලි බල මණ්ඩලය ලබන අලාභය අනුව, විදුලි මිල ගාස්තු වැඩි වීම සිදු විය යුත්තේ සියයට 18කින් බව ලංකා විදුලි බල මණ්ඩලයේ වැඩබලන සාමාන්යාධිකාරි ආචාර්ය නරේන්ද්ර ද සිල්වා මහජන උපයෝගිතා කොමිෂන් සභාවේ පැවති මහජන සැසියට එක් වෙමින් පෙරේදා (1ඔක්. 8) පැවසීය.
මේ වසරේ පළමු විදුලි ගාස්තු සංශෝධනය සඳහා අනුමැතිය පෙබරවාරි 15දා ලැබුණු අතර එහිදී 66%කින් විදුලි ගාස්තු ඉහළ දැමිණි.
ලංකා විදුලි බල මණ්ඩලයට අමතර රුපියල් බිලියන 287ක ආදායමක් උපයා ගැනීම සඳහා කැබිනට් මණ්ඩල අනුමතියකට අනුව, මෙම විදුලි ගාස්තු ඉහළ නංවනු ලැබී ය.
එසේ ම, දෙවන විදුලි ගාස්තු සංශෝධනය ඉකුත් ජූලි මස 1 වන දා සිට බලාත්මක විය.
- Mawbima