ඇමතිවරුන්ට පහසුකම් නොමැති බවත් නිල රථයක් නඩත්තු කිරීමටවත් මුදල්, අමාත්යාංශ තුළ නොමැති බවත් අමාත්යවරුන් ගෙවන්නේ ඉතා අපහසු ජීවිතයක් බවත් රාජ්ය ඇමති සනත් නිශාන්ත ඊයේ (02) පොළොන්නරුව ප්රදේශයේ පැවති රජයේ වැඩසටහනකදී අදහස් දක්වමින් පවසා තිබේ.
පසුගිය ආණ්ඩු සමයන් තුළ ඇමතිවරුන්ට වරප්රසාද තිබූ බවට තමා අසා ඇති නමුත් වර්තමාන ඇමතිවරු ගෙවන්නේ ඉතා අපහසු ජීවිතයක් යැයිද ඔහු එහිදී පවසා ඇත.
නමුත් එම අසීරුතා මෙරට ජනතාව සහ අනාගත පරපුර වෙනුවෙන් විඳ දරා ගැනීමට කටයුතු කරන බවද රට ගොඩනැගීමට වර්තමාන ඇමතිවරු දිවි හිමියෙන් කැපවෙන බවද රාජ්ය ඇමති සනත් නිශාන්ත වැඩිදුරටත් එහිදී පවසා ඇත.