නසීර් අහමඩ්ට ආණ්ඩුකාර ධුරයක් . . .

ශ්‍රී ලංකා මුස්ලිම් කොන්ග්‍රසයේ පක්ෂ සාමාජිකත්වයෙන් නෙරපා දීම හේතුවෙන් තමන් දැරූ පාර්ලිමේන්තු මන්ත්‍රී ධුරය අහිමිවී වී ගිය හිටපු ඇමති නසීර් අහමඩ්ට ආණ්ඩුකාර ධුරයක් ලබා දීමට නියමිත බව වාර්තා වේ.

ඔහුට නැගෙනහිර ආණ්ඩුකාර ධුරය ලබා දීමට සූදානම් බවත් මේ වනවිට නැගෙනහිර ආණ්ඩුකාර ධුරයේ කටයුතු කරන සෙන්දිල් තොණ්ඩමන් ඌව පළාත් ආණ්ඩුකාර ධුරයට පත් කිරීමට නියමිත බවත් වාර්තා වේ.

එමෙන්ම ඌව පළාතේ වත්මන් ආණ්ඩුකාර ඒ.ජේ.එම් මුසම්මිල් බස්නාහිර ආණ්ඩුකාර ධුරයටත් දැනට බස්නාහිර ආණ්ඩුකාර ධුරයේ කටයුතු කරන හිටපු ගුවන් හමුදාපති රොෂාන් ගුණතිලකට තානාපති ධුරයක් හිමිවීමට ඉඩ ඇති බවත් වැඩිදුරටත් වාර්තා වේ.

මෙම සියලු පත්වීම් සහ ස්ථාන මාරැ ලබන ජනවාරි මස සිට ක්‍රියාත්මක කිරීමට දැනට සාකච්ඡා කරමින් සිටින බවද තවදුරටත් වාර්තා වේ.