සිවිල් වැරදි සම්බන්ධයෙන් වැරදිකරුවන් වන පුද්ගලයින් නිවාස අඩස්සියේ තැබීමේ වැඩපිළිවෙලක් මේ වසරේ ක්‍රියාත්මක කිරීමට අධිකරණ හා බන්ධනාගාර කටයුතු අමාත්‍යාංශය සැලසුම් කර ඇත.
මහනුවරදී මාධ්‍යවේදීන් අමතමින් රාජ්‍ය අමාත්‍ය අනුරාධ ජයරත්න කියා සිටියේ, අදාළ වැඩසටහන යටතේ නිවාස අඩස්සියේ තැබූ පුද්ගලයින් GPS තාක්ෂණය ඔස්සේ නිරීක්ෂණය කරන බවත්, බන්ධනාගාරවල තදබදය අවම කිරීමේ අරමුණෙන් මෙය ක්‍රියාත්මක කිරීමට සැලසුම් කර ඇති බවත්ය.
ඒ අනුව නිවාස අඩස්සියේ තබාගෙන අධිකරණයෙන් පනවා ඇති කොන්දේසි පිළිපැදීම සඳහා, බන්ධනාගාර නිලධාරීන් සහ ළඟම ඇති පොලිස් ස්ථානය මඟින් වැරදිකරුවන් අධීක්ෂණය කිරීමට නියමිතයි.
මේ සම්බන්ධයෙන් නීති කෙටුම්පත් දෙපාර්තමේන්තුව අවශ්‍ය නීති කෙටුම්පත් කරමින් සිටින අතර එය අවසන් වූ පසු පාර්ලිමේන්තුවට ඉදිරිපත් කරන බව රාජ්‍ය අමාත්‍යවරයා වැඩිදුරටත් සඳහන් කළාය.
- aruna
Janamina Sri Lanka Rupee Exchange Rate