පෞද්ගලික ආයතනයක සේවය කරමින් රුපියල් 41,921,74.26 ක මුදලක් වංචා සහගතව ලබා ගත් බව කියන 19 හැවිරිදි මුදල් අයකැමිවරියක් කළුතර විශේෂ වංචා විමර්ශණ ඒකකය මගින් අත් අඩංගුවට ගෙන ඇත.
මෙසේ අත් අඩංගුවට ගෙන ඇත්තේ පයාගල හල්කඳවිල දූවගොඩ ප්‍රදේශයේ පදිංචිකාරියකි.
බේරුවල ,අඹේපිටියගම පුද්ගලික ආයතනය හිමිකරුවෙකු විසින් පොලීසියට කරන ලද පැමිණිල්ලට අනුව මෙම සැකකාරිය අත් අඩංගුවට ගෙන තිබේ.
මෙම වංචාව 2023.06.09 හා 2024.02.06 අතර කාලය තුල සිදුවී ඇති බවත් ,සේවකයින් 12 දෙදෙනෙකු ආයතනයෙන් සේවය කරන බවත්, මුදල් හා ආදායම් අතර වෙනසක් නිරීක්ෂණය වීමෙන් පසු වෙළඳසැලේ පරිඝණක පද්ධතිය හා ආරක්ෂිත කැමරා පද්ධතිය පරීක්ෂා කළවිට පාරිභෝගිකයින් මුදල් ගෙවූ පසු අවස්ථා 1475 කදී අවලංගු කළ බිල්පත් ලෙස දත්ත පද්ධතියේ සටහන්ව කර මෙම මුදල් වංචා කර ඇති බවත් පැමිණිලිකරු පොලිසියට කර තිබූ පැමිණිල්ලේ සඳහන්වේ.
අත් අඩංගුවට ගත් සැකකාරිය අද (15) කළුතර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.
පොලිසිය මේ පිළිබඳව වැඩිදුර පරික්ෂණ පවත්වති.
- ලක්ඛිත විද්‍යාසේකර – කළුතර
Janamina Sri Lanka Rupee Exchange Rate