පොලිස් ස්ථානාධිපතිවරුන් ට ස්ථාන මාරුවීම් . . .

පොලිස් ස්ථානාධිපතිවරුන් අසූදෙනකු මේ සතිය තුළ මාරුකර යැවීමට පොලිස් මූලස්ථානය තීරණයකර ඇත.

පොලිස්පතිවරයා විසින් ජාතික පොලිස් කොමිෂන් සභාවේ ද අනුමැතිය මත මෙම මාරු කිරීම් සිදුකිරීමට නියමිත බව පොලිස් ආරංචි මාර්ග සඳහන් කරයි.

පොලිස් ස්ථානාධිපතිවරුන් පත් කිරීම සඳහා සම්මුඛ පරීක්ෂණය මීට මාස දෙකකට පෙර පොලිස් ක්ෂේත්‍ර බළකා මූලස්ථානයේදී සිදුවූ අතර මෙහිදී ඒ ඒ නිලධාරීන් ලබාගත් ලකුණු සහ නිලධාරින්ගේ කුසලතා මත මෙම මාරුකිරීම් කිරීමට නියමිතව ඇතැයි පොලිස් මූලස්ථානයේ උසස් නිලධාරියකු සඳහන් කළේය.

විශේෂයෙන් වසර තුනකට වැඩි කාලයක් එකම පොලිසියක සේවය කළ ස්ථානාධිපතිවරුන් බොහෝ දෙනකු මෙම මාරුවීම් ලැයිස්තුවට ඇතුළත් කර ඇතැයිද එම නිලධාරියා කීවේය.

• aruna