නව විද්‍යුත් මෝටර් රථයක් වෙළෙඳපොළට . . .

චීනයේ ශ්‍යව්මි (xiaomi) සමාගම නිෂ්පාදනය කර ඇති විද්‍යුත් මෝටර් රථ සඳහා ඇණවුම් ලබාගැනීම මේ වන විට ආරම්භ කර ඇති බව විදෙස් මාධ්‍ය වාර්තා කරයි.

xiaomi චීනයේ ප්‍රමුඛ ජංගම දුරකථන නිෂ්පාදන සමාගමකි.

එම මෝටර් රථයේ SU7 නමැති මොඩලය ඩොලර් 29,872ක් (යුආන් 215,900) ලෙස මිල සඳහන් කර ඇත.

ලෝක වෙළෙඳපොළෙහි විද්‍යුත් මෝටර් රථ සඳහා ඇති ඉල්ලුම පහත බසිමින් තිබෙන අවස්ථාවක xiaomi සමාගම සිය නිෂ්පාදනය වෙළෙඳපොළට නිකුත් කිරීම සුවිශේෂී තත්ත්වයකි.

එමගින් වෙළෙඳපොළ තුළ මිල සඳහා ඇති තරගය තවත් දැඩි වෙතැයි xiaomi සමාගම අනුමාන කරයි.

ටෙස්ලා සමාගම චීන වෙළෙඳපොළට මෙම මොඩලය හා සමානම විද්‍යුත් මෝටර් රථයක් නිකුත් කර ඇති අතර එහි මිල යුආන් 245,000කි.

• aruna