ඉරානය විසින් ඊශ්‍රායලයට ඩ්‍රෝන හා මිසයිල ප්‍රහාර එල්ල කරනු ලැබ ඇතැයි විදෙස් මාධ්‍ය වාර්තා කරයි.
ඊශ්‍රායලය සඳහන් කර ඇත්තේ, ඉරානය විසින් එල්ල කරනු ලැබූ ඩ්‍රෝන යානා හා මිසයිල ප්‍රහාර 300කට අධික සංඛ්‍යාවක් අනෙකුත් මිත්‍ර පාර්ශවීය රටවල් සමග එක්ව විනාශ කළ බව ය.
දකුණු ඊශ්‍රායලයේ ආරක්ෂක කඳවුරු භූමියට කුඩා ප්‍රහාර ගණනක්‌ එල්ල වී ඇති අතර එම ප්‍රහාරවලින් එක් පුද්ගලයෙකු තුවාල ලබා ඇති බව ඊශ්‍රායලය සඳහන් කරයි.
ඊශ්‍රායල හමුදාව පවසන්නේ, ඩ්‍රෝන යානා හෝ මිසයිල ප්‍රහාර 99%ක් ම ඊශ්‍රායල ගුවන් සීමාවට ඇතුළු වීමට පෙර විනාශ කළ බව ය.
තම රට “ජයග්‍රහණය කරන” බව ඊශ්‍රායල අගමැති බෙන්ජමින් නෙතන්යාහු සිය එක්ස් (මීට පෙර ට්විටර්) ගිණුමේ සටහනක් තබමින් සඳහන් කර තිබේ.
ඉරානය මෙම ප්‍රහාරය එල්ල කර ඇත්තේ, ඊශ්‍රායලයේ විසින් අප්‍රේල් 1 වන දා සිරියාවේ ඉරාන කොන්සල් කාර්යාලයට එල්ල කරනු ලැබූ ප්‍රහාරයට ‘ප්‍රතිප්‍රහාරයක්’ ලෙස බව විදෙස් මාධ්‍ය වාර්තා කරයි.
- Anjali Withanage
Janamina Sri Lanka Rupee Exchange Rate