සොරකම් කරන ලද ත්රිරෝද රථ 4 ක් සමග 27 හැවිරිදි සැකකරුවෙක් 25 දා අත්අඩංගුවට ගත් බව බදුල්ල පොලිසිය පවසයසි.
පස්සර ප්රදේශයේ පදිංචිකරුවෙකු වන සැකකරු බදුල්ල නගරයේ නිවසක් කුලියට ගෙන මෙම ඡාවාරම සිදුකර ගෙන ගොස් ඇති බව විමර්ශන වලදී අනාවරණය වූ බවද පොලිසිය පැවසීය.
සැකකරු සන්තකයේ තිබි ත්රීරෝද රථ 4 ක් සොයාගත් බවත් ඒවායේ එන්ජින් ගලවා චැසිඅංක වෙනස් කර තවත් වෙනස්කම් සිදුරකර තිබූ බවත් පොලිසිය පවසයි. ඊට අමතරව වාහන 11 ක අංක තහඩු සැකකරු සන්තකයේ තිබූ සොයාගත් බවද පොලිසිය සඳහන් කළේය.
මේ ත්රිරෝදරථ වල සහ අංක තහඩු පිළිබඳව විස්තර විමසා මෝටර් රථ ප්රවාහන කොමසාරිස් කාර්යාලය වෙත තොරතුරු දැනුම් දීමට පියවරගෙන තිබේ.
- නුවන් ආරියවංශ – ඇල්ල