මොරටුව මහා නගර සභාවේ මාසික සභා රැස්වීම අද (21) විනාඩි 45 කට සීමා විය. රනිල් වික්රමසිංහ ජනාධිපතිවරයා වෙත එජාප මන්ත්රී කණ්ඩායම සුභපැතුම් එක් කිරීමත් සමගම සභාවේ ඇති වූ උණුසුම්කාරී තත්ත්වය මත මාසික සභා රැස්වීම නතර කිරීමට මොරටුව නගරාධිපතිවරයා පියවර ගත්තේය.
එජාප මන්ත්රී කණ්ඩායම අභිනව ජනාධිපතිවරයාට සුබ පතද්දී ජවිපෙ මන්ත්රී කණ්ඩායම ඊට විරෝධය පල කිරීමත් සමගම සභාව උණුසුම් විය. ජවිපේ හා එජාප මන්ත්රීන් අතර වාග් ප්රහාර සිදු වෙද්දී නගරාධිපති සමන්ලාල් විසින් කමිටු යෝජනා සියල්ලම ඉදිරිපත් කරමින් සම්මත කරගත්තේය. පසුව ජවිපෙ මන්ත්රී කණ්ඩායම එයටද විරෝධය දැක් වීමත් සමගම නගරාධිපතිවරයා සභාව කල් දැමීමට පියවර ගත්තේය.
මෙම මාසික මහා සභාව මීට පෙර දෙවරක්ම රැස්විමට නොහැකිව කල් දමා තිබූ අතර අද සභාව රැස් වුණත් සභාවේ කටයුතු කරගෙන යාමට ඉඩ නොලැබුණි .
ගල්කිස්ස පොලිස් කොට්ඨාශයේ පොලිස් ස්ථාන තුනක නිලධාරීන් මොරටුව මහ නගර සභාවෙන් පිටත ආරක්ෂාව සඳහා යොදවා තිබුණි.
දර්ශාන් කානිල්