හිටපු ජනාධිපති ගෝඨාභය රාජපක්ෂ සිංගප්පූරුවේ රැඳී සිටීමේ කාල සීමාව තවත් දින 14කින් දීර්ඝ කිරීමට නියමිත බව විදෙස් මාධ්‍ය වාර්තා කළා.
සිංගප්පූරුවේ පලවන ස්ටේ‍්‍රට්ස් ටයිම්ස් පුවත්පත වාර්තා කලේ මීට සති දෙකකට පමණ පෙර පෞද්ගලික සංචාරයක් සඳහා තම රටට පැමිණි ගෝඨාභය රාජපක්ෂට නිකුත් කරන ලද කෙටි කාලීන සංචාරක බලපත‍්‍රය අගෝස්තු 11 වැනි දිනෙන් අවසන් වීමට නියමිතව ඇති බවයි. පසුගිය ජූනි 9 වැනිදා ඇති වූ ජනතා විරෝධතා හමුවේ මාලදිවයිනට පළා ගිය හිටපු ජනාධිපති ගෝඨාභය රාජපක්ෂ අනතුරුව සිංගප්පූරුවට පැමිණ තිබුණා. කෙසේ වෙතත් එරට කි‍්‍රයාත්මක රාජ්‍ය නොවන සංවිධාන කිහිපයක් පසුගියදා සඳහන් කර තිබුණේ හිටපු ජනාධිපතිවරයා හැකි ඉක්මනින් සිංගප්පූරුවෙන් ඉවත්ව යායුතු බවයි.
මේ අතර ඊයේ පැවති කැබිනට් තීරණ දැනුම් දීමේ මාධ්‍ය හමුවේදී අමාත්‍ය බන්දුල ගුණවර්ධන කියා සිටියේ හිටපු ජනාධිපති ගෝඨාභය රාජපක්ෂ ශී‍්‍ර ලංකාවෙන් පළා නොගිය අතර යළි නුදුරේදීම මෙරටට පැමිණෙනු ඇති බවයි.
Janamina Sri Lanka Rupee Exchange Rate