අද දිනයේ ගෑස් මිල අඩු වුවත් ආපන ශාලාවල ආහාර මිල පහත දැමිය නොහැකි බව සමස්ත ලංකා ආපන ශාලා හිමිකරුවන්ගේ සංගමය පවසයි. කළු කඩ මාෆියාව නිසා භාණ්ඩ මිල අඩු නොවන බවත්, එනිසා පාරිභෝගිකයන් පීඩාවට පත්වන බවත් සංගමයේ සභාපති අසේල සම්පත් පැවසීය. මෙරට පිටි ආනයනකරුවන් පිටි තොග සගවා කළු කඩ හරහා වැඩි මිලට නිකුත් කරමින් සිටින බවත් ඔහු සදහන් කලේය. ගෑස් මිල අඩු වුවත් ආහාර මිල අඩු හෝ වැඩි කල නොහැති බවත් ඔහු තව දුරටත් කියා සිටියේය.
ලිට්රෝ සමාගම විසින් අලෙවි කරන ගෘහස්ථ ගෑස් සිලින්ඩරයක මිල අඩු කිරීමට බලාපොරොත්තු සුදානම් වෙයි. එහි සභාපති මුදිත පීරිස් සඳහන් කරන්නේ සැප්තැම්බර් 05 වැනිදා සිට මෙම මිල අඩු කිරීම සිදු කරන බවයි.
මේ අතර ඉන්ධන මිල ද සැලකිය යුතු මට්ටමකින් අඩු වනු ඇතැයි වාර්තා වෙයි. සෑම මසකම පළවෙනිදා සහ පහළොස් වැනිදා සිදුකරන මිල සංශෝධනයට යටත්ව මෙම මිල පහත දැමීම සිදු වන්නේ ලෝක වෙළඳපොලේ බොරතෙල් මිලට සමානුපාතික වන ලෙසයි.