ඉන්ධන මාෆියාවට තිත තැබීමට තවමත් නොහැකි වී ඇත්තේ මෙම මාෆියාවට එදා මෙන්ම අදත් සම්බන්ධ ප්රභූ කුමාරවරු පැලැන්තියක් නිසා යයි සමගි ජන බලවේගය ගම්පහ දිස්ත්රික් සංවිධානයක හසිත් ගුණසේකර පැවසීය.
වත්මන් ජනාධිපතිවරයා යටතේ සිටින පෙර හොරුන්ට පාසැල් වල කන්න නැතිව ඇද වැටෙන දරුවන් ගැන හැඟීමක් නැති බවද පැවසූ ඔහු මන්දපෝෂණයෙන් වැඩිම පිරිසක් ජීවත් වන්නේ හම්බන්තොට ප්රදේශයේ බවද සඳහන් කළේය. එදා රජ කල අය කාබාසිනියා කළ මුදල් තිබුණේ නම් ජාත්යන්තර මූල්ය අරමුදලට ද ණය දීමට හැකියාව ලංකාවට තිබූ බවද හෙතෙම පැවසීය.
ඔහු මේ බව කියා සිටියේ මාතර ප්රදේශයේ පැවති ජන හමුවක් අමතමිනි.
තෙල් මාෆියාව යට ඉන්නේ එදා මෙන්ම අදත් වැජඹෙන කුමාරවරු පිරිසක් බවද පැවසූ ඔහු ලංකාවට ගැලපෙන බොරතෙල් ටිකවත් ගේන්න බැරි වී ඇත්තේ මෙම මාෆියාව නිසා බවද පැවසීය.
මෙරට ඉන්ධන පිරිපහදුවට නොගැලපෙන බොරතෙල් ගෙන එන්නේ ප්රභූ පුත්රයන්ගේ සම්බන්ධකම් ඇති සමාගමක් හරහා ගෙන්වන බාල බොර තෙල් වර්ගයක් නිසා බවද හෙතෙම තවදුරටත් කියා සිටියේය.