2015 වසරේ පැවති ජනාධිපතිවරණයට ඡන්දය ප්‍රකාශ කිරීම සඳහා ඡන්ද දායකයන් 12,000කට අධික පිරිසක් පුත්තලමේ සිට සිලාවතුර දක්වා ලංකා ගමනාගමන මණ්ඩලයට අයත් බස් රථවලින් රැගෙන යාම සඳහා, නැවත පදිංචි කිරීමේ වැඩසටහනේ රුපියල් මිලියන 9.5 ක් සාවද්‍ය පරිහරණය කළ බව කියන සිද්ධිය සම්බන්ධයෙන් චෝදනා ලැබ සිටි හිටපු අමාත්‍ය රිෂාඩ් බදියුදීන් ඇතුළු විත්තිකරුවන් තිදෙනා නිදොස් කොට නිදහස් කරන ලෙස කොළඹ කොටුව ප්‍රධාන මහේස්ත්‍රාත් තිළිණ ගමගේ අද (ඔක්. 6) නියෝග කළේ ය.
හිටපු අමාත්‍ය රිෂාඩ් බදියුදීන්, දීර්ඝකාලීන අවතැන්වූවන් නැවත පදිංචි කිරීමේ වැඩසටහනේ අධ්‍යක්ෂවරයා ලෙස කටයුතු කළ සම්සුදීන් මොහොමඩ් යසීන් හා ගණකාධිකාරි මනෝ රන්ජන් යන විත්තිකරුවන් තිදෙනෙකු එසේ නිදොස් කොට නිදහස් කෙරිණි. නඩුව තවදුරටත් පවත්වාගෙන යා නොහැකි බවට නීතිපතිවරයා අධිකරණයට කළ කරුණු දැක්වීමක් සලකා බැලීමෙන් අනතුරුව මහේස්ත්‍රාත්වරයා එම නියෝගය ලබා දුන්නේ ය.
අක්මීමන දයාරතන හිමියන් විසින් අපරාධ පරීක්ෂණ දෙපාර්තමේන්තුව වෙත කරන ලද පැමිණිල්ලකට අනුව නීතිපතිවරයා විසින් මෙම නඩුව පවරනු ලැබ තිබිණි.
Janamina Sri Lanka Rupee Exchange Rate