ශ්රී ලංකා පොදුජන පෙරමුණේ වැඩ කටයුතු සම්බන්ධයෙන් එම පක්ෂයේ මැති ඇමතිවරුන් පිරිසක් දැඩි කලකිරීමට පත්ව සිටින බව වාර්තා වේ.
පක්ෂය තවදුරටත් ගතානුගතිකව කටයුතු කිරීම හා 2015 පරාජයෙන් පසු හා මේ වසරේ ඇති වූ සිද්ධි වලින් මෙතෙක් පාඩම් ඉගෙන ගෙන කටයුතු නොකිරීම නිසා මෙම තත්වය ඇතිව තිබෙන බව ඔවුන් පෙන්වා දෙති. මෙම තත්ත්වය මත දැනටමත් පොහොට්ටුවේ මන්ත්රීවරුන් කණ්ඩායම් වශයෙන් බෙදී තැන් තැන් වල විවිධ සාකච්ඡා පැවැත්වීමට පටන් ගත් තිබේ.
පොදුජන පෙරමුණේ ප්රධාන රැස්වීම් කිහිපයක් පසුගිය කාලයේ දිස්ත්රික්ක කිහිපයක පැවැත්වුවද පක්ෂයේ තරුණ මහජන නියෝජිතයන් බොහෝ දෙනෙකු ඒවාට සහභාගී වූයේ අඩු වශයෙනි.