ශ්රී ලංකා ටෙලිකොම් සමාගම පාඩු ලබන රාජ්ය ආයතනයක් යැයි එක්සත් ජාතික පක්ෂයේ පාර්ලිමේන්තු මන්ත්රී වජිර අබේවර්ධන සඳහන් කරයි. ඇතැමුන් මෙය ලාභ ලබන ආයතනයක් යැයි කියූවත් එහි සේවකයන්ගේ පඩි ගෙවීමට බැංකු අයිරා පවා ලබා ගන්නා බවද තවත් සමාගම් සඳහා විශාල ණය මුදලක්ද ගෙවිය යුතුව ඇති බවද හෙතෙම පැවසීය.
අද පාර්ලිමේන්තුවේ දී අයවැය විවාදයට එක්වෙමින් හෙතෙම මේ බව සඳහන් කළේය.
ඇතැම් රාජ්ය ආයතනවල ඉහළ නිලධාරීන් රුපියල් ලක්ෂ 40 ක පමණ වැටුපක් ලබා ගන්නා බවද පැවසූ ඔහු මේවාට වන්දි ගෙවන්න මහජන නියෝජිතයන්ගෙන් ජනතාව ගුටි කන බව ද කියා සිටියේය. රාජ්ය ව්යාපාර අතහැර ඉන් ඉවත් විය යුතු බව ද මන්ත්රීවරයා තවදුරටත් එහිදී පැවසීය.