හෙරොයින් ජාවාරමේ යෙදුණු බව කියන උකුවෙල ප්රාදේශීය සභාවේ ශ්රී ලංකා පොදුජන පෙරමුණ මන්ත්රීවරයෙකු හා කාන්තාවන් දෙදෙනකු සැකපිට අත්අඩංගුවට ගත් බව මාතලේ මූලස්ථාන පොලිසිය සඳහන් කරයි.
අත්අඩංගුවට ගත් මන්ත්රීවරයා ළඟ තිබී හෙරොයින් මිලිග්රෑම් 2600 ප්රමාණයක්ද කාන්තාවන් ළඟ තිබී හෙරොයින් මිලිග්රෑම් 2500 ක ප්රමාණයක් ද හමුවූ බව පොලිසිය කියා සිටී. සැකකාර මන්ත්රීවරයා මීට පෙර අවස්ථා ගණනාවකදීම සොරකම් හා වෙනත් සිද්ධීන් සම්බන්ධයෙන් අත්අඩංගුවට ගෙන අධිකරණය හරහා ඇප ලබා සිටි අයකු බවද පොලිසිය පැවැසීය.
ඊට අමතරව ඔහුට විරුද්ධව ළමා අපයෝජන සිද්ධියක් සම්බන්ධයෙන් මහාධිකරණයේ නඩුවක් පවතින බවත් පොලිසිය කියා සිටී.