මහනුවර ශ්‍රී දළදා මාලිගාවේ පසුගිය ඔක්තෝබර් මාසය සඳහා වන විදුලි බිල ගෙවීමට නොහැකි බව එහි දියවඩන නිලමේ ප්‍රදීප් නිලංග දෑල බණ්ඩාර විසින් මහජන උපයෝගීතා කොමිසම වෙත දැනුම් දී තිබේ.
ඔක්තෝබර් මාසය සඳහා මාලිගාවේ විදුලි බිල රුපියල් ලක්ෂ 28ක් පැමිණ ඇති බවත් එනිසා බිල්පත සංශෝධනය කරන ලෙසත් දියවඩන නිලමේවරයා කොමිසමෙන් ඉල්ලා තිබේ. විදුලි බිල වැඩි කිරීම පිළිබඳව මහජන උපයෝගීතාවය සභාපතිවරයාව මෑතක දී මල්වතු අස්ගිරි මහ නායක හිමිවරුන් සමග ද සාකච්ඡා කර ඇති අතර විදුලි බිල අඩු කිරීම සඳහා වැඩපිළිවෙළක් සකස්කිරීමට ලංකා විදුලිබල මණ්ඩලය සමඟ සාකච්ඡා කරන බවද එහිදී පොරොන්දු වී ඇත. නමුත් දියවඩන නිළමේවරයා සඳහන් කරන්නේ ඉහළ දැමූ ක්‍රමවේදය අනුව බිල්පත මේ වන විට ගණනය කරමින් ඇති බවයි.
Janamina Sri Lanka Rupee Exchange Rate