රේගුව මඟින් රාජසන්තක කරන ලද රථ වාහන ශ්රී ලංකා පොලිස් දෙපාර්තමේන්තුවට ලබාදීමට කටයුතු සම්පාදනය කරන බව මුදල් රාජ්ය අමාත්ය රංජිත් සියඹලාපිටිය පවසයි.
ඒ මත්ද්රව්ය නිවාරණය ඇතුළු ශ්රී ලංකා පොලිස් දෙපාර්තමේන්තුවේ වැටලීම් සඳහා භාවිත කිරීමට බවයි රාජ්ය අමාත්යවරයා පැවසුවේය. දිවයින පුරා පිහිටි පොලිස් ස්ථාන 600ක් සහ අලුතින් ආරම්භ වන තවත් පොලිස් ස්ථාන 111ක් සඳහා පොලිසිය කළ ඉල්ලීමට ප්රතිචාර ලෙස මෙම රථවාහන ලබා දීම සිදුකෙරෙන බව ඔහු සඳහන් කළේය.
නීති විරෝධී ලෙස ආනයනය කිරීම හේතුවෙන් රාජසන්තක වූ ඇතැම් වාහන වසර හතක් පමණ තිස්සෙ දිරා යමින් පවතින බව අමාත්යවරයා පවසයි. ජනාධිපති රනිල් වික්රමසිංහගේ උපදෙස් මත අදාළ වාහන සම්බන්ධයෙන් පවතින නීතිමය බාධාවන් ඉවත් කර ජනතා සුබසිද්ධිය උදෙසා භාවිත කිරීම මෙහි අරමුණ බව ඔහු වැඩිදුරටත් සඳහන් කළේය.